حصريا المسلسل الإجتماعي الجامعي ( المصيدة ) خيارات

[جامعة القدس]

~الحلقة الرابعة والخمسون~

لم تدر مني بما تجب, تلجم لسانها تماما , شعرت بكل انواع الذعر المعروفة, وجاهدت طويلا حتى خرج صوتها من فمها.
منى: أ..آآآ...ايوة فعلا,..... وهو شو الي خلاك....تفكر..انو محمود.
التفت اليها معتز, ونظر مدققا بعينيها محاولا قراءة افكارها.
معتز: انتي قلتيلي هيك
منى: انا؟, ياسلام ؟؟, يمكن ما اخذت بالي , لأ يا ابني, محمود قصير واسمر, تلاقيك فهمت غلط.
صمت معتز ونظر للطريق مرة اخري , بينما ارتعبت هي من صمته, انه طيب ولكنه ليس بالغبي, وهي اخبرته بذلك حقا, يارب , ما العمل, قلقها صمته ,فقالت بارتياب.
منى: هو في اشي؟.
ظل صامتا فترة , ولم يجب عليها , فعادت هي تستند لظهر كرسيها في قلق, حتى نطق.
معتز: ماهو انا بدي اصدقك , فعلا , بدي اصدق انو شيرين المخطوبة , كانت واقفة مع شب , اكتر ما انا بدي اصدق انو الشب هذا كان واقف مع اختى انا.
تسمرت منى مما قال , ولملمت شتات نفسها في سرعة, وحاولت التمسك ببقايا قدرتها على الكذب,وقالت متصنعة الغضب.
منى: انت شو الي بتحكي فيه؟, انت عارف شو معنى كلامك؟, لا يا معتز, عيب عليك , مش اختك الي تعمل هيك, انا كنت واقفة مع شيرين برة المطعم وهو كان داخل , فنادت شيرين عليه تعزمه بالمرة, ما كان في اشي يعني وفش حدا كان واقف مع حدا, وقبل ما تتهمني بشغلة زي هاي , شوف حالك في الاول, ولا انت واية ما بتشوفو بعض.
م*ايوة هيك خذوهم بالصوت قبل ما يغلبوكو
صمت معتز , وكأنه يبتلع كلامها , ولم يجبها بصوت عال مثلما فعلت هي,بل رد بكل هدوء وكظم للغيظ.
معتز: ما أنا بقلك , انا بدي اصدقك, وزي ما قلتلك قبل هيك, انا موجود لما تكوني بدك تحكيلي أي اشي.
قالت مني في سرعة.
منى: فش اشي عشان احكيه.
معتز:ماشي يامنى وانا مصدقك.
آلمتها كلمة "مصدقك" اكتر من كل لكلام السابق, وان لم تكن خارجة من فمه حقيقية , الا انها كانت لمجرد اشعارها بالذنب, ولتذكيرها بأنها اهل للثقة, وتذكيرها اكثر بأنها خانت هذه الثقة التي وضعت فيها, وبالفعل شعرت منى بالذنب والحزن , وتمنت لو استطاعت اخبار اخاها , ولكن بعد كل هذا الكذب والتحوير لن تستطيع الاعتراف,او حتى الاشارة الي الامر من قريب او من بعيد,فاردف معتز بحزم لم تعتده .
معتز: بس لو في يوم من الايام اتـأكدت انو في اشي يا منى , صدقيني, انا الي را اقول لمؤمن بنفسي , ووقتها ما تحكي اني ما حذرتك.
**************************
منى: بقك كنت هنمسك , يعني شوي صغيرة بس .
ميرنا: انا مش عارفة شو أحكيلك بصراحة, انتي فعلا كنتي راح تضيعي .
منى: انا كثير خايفة .
ميرنا: بس يا بنتي معتز طيب , بنخفش منه يعني.
منى: لا , بنخاف, هو صحيح طيب , بس ممكن يزعل كثير لو اكتشف فعلا انو فيه اشي.
ميرنا: ليش ساكتة يا سارة, ما تشاركينا.
سارة: انا مش عارفة احكي , أصلا شو بدي أحكي؟, أحكي إنو انا جكيت الكلام هذا قبل هيك, ولا شو؟.
منى: أنا مش عارفة شو اعمل , شوري عليا.
نظرت اليها سارة في ضيق,ثم قالت.
سارة: اشور عليكي شو ؟, تروحي تجكي لاخوكي ولا تسيبي احمد , هدول الخيارين الصح في الموضوع , هه ؟؟,ممكن تختاري؟؟.
نظرت اليها منى في حزن.
منى: طبعا مش ممكن.
ميرنا: طيب وشو يعني , خلاص كملي وكأنو مفش اشي.
منى: بس هو حكالي راح يحكي لمؤمن وما كان بيمزح
سارة: انا مش عارفة مؤمن لبش عاملك رعب, يعني مش خايفة من ربنا وخايفة منه.
منى: لا يا سارة, اصلك ما بتعرفيه, هو صحيح لذيذ وظريف وصاحبي وكل شي, الا في هاي المواضيع , مستحيل يستوعب هيك حكي , هذا لو عرف, مش عارفة ممكن شو يعمل فيا.
قالت ميرنا بحذر.
ميرنا: معنها..تفكري في الحل التاني الي قالت عنه سارة.
منى: وشوهو ؟.
ميرنا: انك تتركي احمد.
منى: احمد....., مهو هذا الي انا خايفة منه بجد, احمد مجنون يا جماعة , ما بعرف , كل ما أحاول ابعد عنو , بقصد او من غير, يتصرف تصرفات غريبة, بكون وكأني اول مرة بعرفو, أحمد مش عاقل اصلا عشان يفهم اني ممكن اتركو عشان اخوتي.
سارة: طيب تقولي لمعتز , على الاقل يكون حدا عارف في البيت.
منى: بطل ينفع خلص , بعد الي صار , والكذب الي كدبتو , بطل ينفع ارجع في كلامي.
ميرنا: طيب وشو الحل؟.
منى: فش حل.
سارة: كيف يعني؟, بدك تضلي هيك؟.
منى: لحد ما اعرف شو الي ممكن اعملو ويكون بأقل الاضرار.
سارة: انا بقول تقطعي عرق وتسيحي دم , وتخلصي من القلق والهم الي انتي فيه.
ميرنا: او تريحي نفسك وتقولي لاخوكي , وانا شايفة انو اخوكي متفهم , ومش راح يعلقلك مشنقة.
منى: انا بجد مش عارفة, ربنا يهديني للي فيه الخير

[جامعة القدس]

~الحلقه الخامسة والخمسون~

احمد: مالك؟.
منى: فش.
احمد: صوتك متغير, فيه اشي؟.
منى: مفش , بس معتز شاكك فيا.
احمد: ليش؟ , حكالك اشي؟.
منى: هو شاكك انو في اشي,بس حكالي عادي انا مصدقك,و انا زعلانة كثير من نفسي.
احمد:ليش يا منى؟ , احنا مابنعمل اشي غلط.
أ(*)انتي رجعتي تشتغلي فيا من أول وجديد
منى:كيف يعني؟, الي احنا بنعملو مش صح.
احمد: لا يا مني, احنا لا بنتقابل ولا بنطلع, ولا حتى بشوفك, احنا يا دوب بنحكي في التليفون و بالقطارة, وكل شوي بتسكري في وجهي وتحكيلي بعرفش مين جمبك, انا مش عارف مين مفهمك انك اجرمتي, احنا يا حبيبتي اقل من ناس كثير مرتبطين وبعملو اكثر من هيك, شو الغلط في اننا بنحب بعض, أنا بعرف ناس اصحابي , الواحد بطلع مع صاحبته كل يوم وبوصلها بيتها باليل وما حدا بقلو انت شو بتعمل, انا مش عارف ليش انتي مكبرة الموضوع ؟.
أ(*)انتي حتى مطلعة عيني , انا بمسك ايدك بالعافية, انتي بدك تتهبلي؟
منى: بس انا خايفة كثير يا احمد, انا بحكي , نهدي المواضيع شوي, لحد ما معتز ينسي.
احمد: شو هو الي نهديه؟, المواضيع اصلا نايمة ع الاخر, انتي بدك تموتيها عاد.
منى: انا بدي اخوي يتأكد فعلا انو فش اشي.
احمد: منى ,اسمعيني؟, ما تتعبينا في اخوكي , مالك؟؟ , انتي مالك؟, لعبو في مخك من جديد؟, انا مش عارف انتي لسه ليش بتسمعيلهم؟.
منى: هما مين الي لعبو في مخي؟, انت الي صرت شكاك كثير , وبطلت عارفة اتعامل معك, كل يوم بموال وكل شوية بطوشة, انا تعبت.
احمد: يعني شو تعبتي ؟, انا برضة الي مطلع عينك ومبهدلك وراي شمال ويمين؟, مرة لا اصحابي بعرفو, ومرة لا شيرين بتزعل, ومرة لا اخوي بشوفنا, انا الي تعبت يا منى مش انتي , وخلص عاد , الي كنت بمشيه زمان مش راح أمشيه الان.
منى: يعني شو ان شاء الله؟.
احمد: يعني انا مش راح أتغير عشان خاطرك, ولا عشان خاطر حد, والي مش عاجبه طز, والي انتي بدك يا مني اعمليه , انا مش راح اتحايل عليكي عشان تحبيني , انتي حرة.
منى: هذا اخر كلام عندك؟؟؟.
احمد: وفش عندي كلام غيره.
منى: ماشي يا احمد , سلام.
احمد: سلام.
******************
وقفت منى من بعيد ترقب احمد ,واقفا عند الكوخ كعادته, لقد مرت ايام على مكالمتهما الاخيرة, وهذه المرة الاولي التي تراه بالكلية بعدالمكالمة, لقد جاءت يوميا منذ بدء الدراسة , لعلها تراه ولكنه لم يظهر, واليوم وصل, كان واقفا مع رشا اخته وفتاة اخري , يضحك ويمزح.
ميرنا: وهذا ماله مبسوط هيك؟, انتي مش قلتي متزاعلين.
التفتت سارة تنظر لهم وقالت.
سارة:هاي هي رشا؟, مش حلوة على فكرة.
منى: انا ما حكيت انها حلوة. انا قلت جامدة.
ميرنا: مش هي الي جامدة, د البنت الي معاها هي الي من الاخر بجد, وهايفي الاداب زيها ولا شو؟.
تفحصت منى الفتاة التى تضحك لاحمد في غيرة, من شعرها الاحمر المنسدل على ظهرها , ووجها الابيض البريء, حتى ضحكتها التي تتسع كلما كلمها احمد, وقالت في محاولة لتمالك نفسها.
مني: اه , مبين , هاي نورا صاحبتها شفتها في عيد الميلاد.
سارة: هو انتو هيك من زمانمنا , ما بتحكو مع بعض؟.
منى:انا مش راح أحكي مع حد, والله هو الي غلطان وهو الي خسران.
نظرت ميرنا مطولا صوب احمد ,وهو يميل على نورا يقول لها شيئا في اذنها,والفتاة تضحك بشدة, وقالت.
ميرنا:بس انا شايفة....انه مش خسران اشي.
اشاحت منى بوجهها عنه في الم وقالت.
منى: انا مش عارفة ليش احنا واقفين هون أصلا, احنا مش كنا رايحين نتغدي؟.
سارة: شو يا موني, اوعي ترجعي في كلامك , خليكي راجل.
منى: لا انا مش راح أرجع في كلامي, انا الي علي عملتو خلص, شو بدي أعمل كمان؟؟.
*******************
القي احمد بطرف عينه نظرة جانبية على مني , يترقب ان تلمحه, ...جيد ....لمحته, اطلق العنان لضحكاته مع نورا صديقة اخته رشا, وبالغ في المزاح معها وضرب الكفوف.
أ(*)انا بوريكي يا مني , مش انا الي تعملي فيه هيك
ما قلتلك فكك منها, خليك في البنت الجامدة الي قدامك
هاي نورا يابني, انا الي مربيها
مربيها ولا مش مربيها, حلوة ولا لأ؟, بنت ولا لأ؟, شو المشكلة يعني؟
انا بحب منى, وانا مش واقف الوقفة هاي اصلا الا علشان اغيظها
لأ شو بقلك, انت توخذ الفترة هاي استراحة من ست مني وجلافتها
اسكت بس وركز معي , شافتني ؟؟
ايوة يا سيدي , ودارت وجها, خلص عاد , طنش
اقترب كريم من الخلف , يضرب كفه على ظهر احمد.
كريم: ايمو, كيفك يا مان.
احمد: حبيب قلبي .
همس في اذنه بعيدا عن الفتاتين.
كريم: مين الموزة؟؟.
احمد:صاحبة اختى, بس جامدة صح.
كريم: هي طويلة علي بس جامدة.
احمد: يا........ الطويلة هاي اختى, انا بحكي على الي بشعرها.
كريم: والله؟؟, انا اسف يا ايمو ما كنتش عارف, كنت فاكرها... ,يعني انت عارف....
احمد: خلص خلص , بمشيلك اياها المرة هاي.
كريم: صحيح ,وانت واقف هيك تمزح في نص الكلية؟, يعني وين الحكومة ؟.
احمد: ما هيي واقفة وراك عند المسرح,..... تتطلعش وراك.
كريم: وانت عادي هيك, مش خايف تشوفك.
احمد: ماهي شافتني , انا قاصد , مهو احنا متزاعلين.
كريم: طيب , مادام هيك, خذني عرفني ع البنت.
احمد: ماشي , بس مالكش فيها , هاي تبعي, زي اختى يعني.
كريم: زي اختى ولا حاجزها الك؟, ماشي يا سيدي, ملحوقة, المهم عرفني انت , يمكن صاحباتها حلوين زيها هيك.
وأخذه احمد صوب الفتاتين وهو ينظر الي منى مباشرة في عينيها, وهي تحدق به في دهشة من بعيد.

[جامعة القدس]

~الحلقة السادسة والخمسون~

وائل: ولا تقلقو من مرة سنة هاي, بنخلص قبل امتحانات الفاينال بكثير ان شاء الله.
ميمي: ما احنا مبلشين السنة هاي بدري شوة.
وائل : هيك احسن عشان نقدر نخلص براحتنا, ........فيه اشي يا منى؟, انتي تعبانة ولا شو؟.
منى: لا ابدا.
وائل: انتي شكلك تعبانة ع الاخر, اجيبلك اسبرين؟.
منى: لا شكرا , انا راح أكون كويسة.
نظر اليها في شك ,ثم قال.
وائل: ماشي , انا بدي أبلش لو حسيتي انك تعبتي قومي روحي.
منى: حاضر.
وبعد الدرس ,انفرد وائل بمني قبل نزولها.
وائل: انتي مش عاجبتيني اليوم على فكرة , شو فيه ؟.
منى: ليش ؟, جد انا مش تعبانة.
وائل: بس هيك غلط, المفروض تديري بالك على حالك.
منى: صدقني فش اشي.
نظر اليها مطولا ثم قال.
وائل: ماشي ,انا مصدقك, بس برضو خذي بالك من نحالك, وانا إن شاء الله بتصل فيكي أطمن عليكي
نظرت اليه واستغربت الكلمة.
منى: هو حضرتك معك رقمي؟.
وائل: مش الي كنتي بتتصلي علي منو هو رقمك؟.
منى: اه.
وائل: هذا معاي.
منى: ماشي , شكرا , بس حضرتك ما تقلق علي, انا بوخذ دوا وراح أكون كويسة ان شاء الله.
وائل: برضو ديي بالك على حالك وعلى صحتك.
بعدما نزلت منى لميرنا وسارة اللتان انتظرتاها بالاسفل.
سارة: كل هذا في شو بترغو؟.
منى: فش, مصمم اني تعبانة.
ميرنا: بس وائل طلع جامد, كنتي وين مخبيتيه عنا يا موني.
منى: بحكيلك نقطينا بسكاتك أحسن , وخليكي في خالد تاعك هذا كمان.
ميرنا: هو انا ما حكيتلكم شو عمل؟.
سارة: شو عمل اشي جديد؟.
ميرنا: امبارح حكا معي باليل, قلتله حدا بطلب حدا الساعة ثنتين؟,قالي الموضوع مهم وومن هالحكي, قلتله خير, قالي انا معجب فيكي من مدة وما كنت عارف كيف اقولك, بس خلص انا اتأكدت اني بدي يكون بينا اشي, قلتله استنى استنى , هوهذا الموضوع المهم , قالي وهو خجلان اشوي اه, قلتله, طيب لعاد , شوفبص ,انا ماليش في الدواوين هاي, انا لا بعجب بحدا ولا بدي حدا يعجب في , وياريت ما تكلمني بعد الساعة 11 مرة ثانية, ولا اقولك ياريت تمسح نمرتيرقمي من عندك عشان انا ما بصاحب شباب, وسكرت.
سارة: يخرب بيتك يا ميرنا, وبتحكي علي انا الي دبش.
ميرنا: يعني شو أعمل,أغلط كمان مرة.
منى: بس كنتي تنهي المواضيع باسلوب حلو شوي.
سارة: ميرو عندها حق, فش اشي اسمو تنهي باسلوب حلو, يا اما تنهيها يا متنهيهاش, بنفعش حل وسط.
ميرنا: وانتي احمد لسة ما حكا معك؟.
سارة: ماخلص يا ميرو بتفكرينا بالهم من جديد ليش؟.
منى: لا ماتصلش, وانا لو شو ما صار عمري ما راح أعبره بعد الحكي الي حكاه.
سارة: انتي لسه بتحبيه يا منى؟.
صمتت منى ونظرت للارض ولم تجب.
منى: انا بديش أحكي عن احمد, وياريت محدش يجيببلي سيرته لو سمحتم.
*******************
صاحت رشا بصوت عالي.
رشا: هااااااي, موني.
التفتت مني في دهشة للفتاة التى ركضت ناحيتها بخفة, ضاحكة, وعانقتها في حرارة.
رشا: كيفك يا موني, شوعاملة ؟, وحشتيني بجد, شو الاخبار؟.
منى: الحمد لله, كيفك انتي؟, شو اخبار الكلية معاكي ؟.
رشا: حلوة كثير, بس انا مقضياها على طول عندكو في العلوم, لإنو نص اصحابي وهن.
منى: اه , كويس.
رشا: هوشو فيه يا موني؟, من ساعة ما داومت ماشفتك ولا مرة مع احمد, هو فيه اشي؟.
منى: لا ابدا فش, بس ما أجت فرصة.
رشا: جد فش اشي؟.
منى:ايوة , اصل انا مشغولة شوي, في أمور يعني ,فما بشوفو كتير.
نظرت اليها الفتاة قليلا, ثم قالت بمرح.
رشا: ماشي , ابقي خلينا نشوفك.
منى: ان شاء الله.
وكما اقبلت ابتعدت.
******************
احمد: شو قلتلها وشو قالتلك ؟.
رشا: سألتها ياسيدي , انتو ليش ما بشوفكو مع بعض قالتلي فش اشي , انا مشغولة شوية, فاكراني هبلة.
احمد: وشو قلتلك كمان؟.
رشا: بس.
احمد: بس؟, ما حكت اشي ثاني؟.
رشا: لأ , وبعدين ما تبعثني اكلمها مرة ثانية, البنت هايعاملة زي الي طالعة من فيلم ابيض واسود, انا مش عارفة انت كيف طايقها.
احمد: اتلمي يارشا, بدل ما المك.
رشا: يا شيخ روح بمني تاعتك هاي, قلتلك ازبطك مع وحدة من صاحباتي , قلتلي لأ, من متى يعني الادب هذا كله؟.
احمد: خليكي في حالك.
رشا: طيب , على العموم لما تحب تغير , انا عندي صاحبات بالهبل.
احمد: انا نفسي افهم انتي بتحكي معاي هيك ليش, مش المفروض تكوني بنت مؤدبة, انا اخوكي الكبير.
رشا: يا ايمو يا حبيبي انا بهمني تكون مبسوط, وتدشرني بحالي بدل مانت قارفني, كل شوية, روحي جسي لي نبض ست زفتة بتاعتك.
احمد: رشا.
رشا: خلص خلص تعصبش ,انا اسفة ,غلطت في ملكة انجلترا.
احمد:خلصنا, امشي يلا ,روحي على كليتك.
اقتربت نورا منهما .
نورا: هاي يا روشي , هاي يا ايمو.
وابتسمت له في غنج ,ابتسم لها في سرعة وهو يبتعد.
ايمو: هاي يا نورا, عن اذنكو انا رايح.
قالت نورا لرشا بعد انصراف احمد.
نورا: ماله اخوكي؟.
رشا: انا عارفة شو الي عاجبة في مني زفت بتاعتوهاي؟.
نورا: هو بحبها بجد؟.
رشا: يا بنتي انا اخوي بعرفش يحب, اخويا هذا طول عمره واطي, بس انا اول مرة اشوفة متعلق بحدا هيك.
نورا: هو...مش ممكن , يفكر يسيبها ...ابدا؟؟,...يعني...
رشا: انا عارفة, بطلت فاهمة اخوي اليومين هدول.
ارتفع صوت كريم من الخلف.
كريم: كيفكو يا حلوين؟.
التفتت الفتاتين له , ورشا تبتسم له في دلال.
رشا: كيمو , كيفك ؟.
ابتسم لها , وقال ضاحكا .
كريم: الك وحشة يا شوشو.
رشا: انت كمان, شو بتعمل هون؟.
كريم: جاي اشوفك.
نظرت لهما نورا في ريبة.
******************
أ(*)بجد يا منى والله بنت حلال , وحدة غيرك كان حكت لاختى هذاعمل فيا كذا وكذا, بس انتي بجد بتحبيني, لأ انا الي بجد بحبك , انا اسف ياموني

[جامعة القدس]

~الحلقة السابعة والخمسون~

"منى"
التفتت منى في جزع لتجد احمد امامها .
منى: آآ...أحمد ؟؟؟, شو...؟, انت ..شو بتعمل هون ؟.
احمد: انا جاي اشوفك, ممكن نحكي لوحدنا ؟.
ونظر الي ميرنا وسارة اللتان ابتعدتا في دهشة.
منى: انت عرفت معاد الدورة من مين؟.
احمد: كلمت ميمي سألته.
منى: ميمي؟, وانت من متى بتكلم ميمي؟.
احمد: جبت نمرته, عشان اسأله.
منى: ............, في اشي يا احمد؟.
م(*)انا مش مصدقة حالي .
احمد: شو فيه.
منى:........؟
احمد: انا مش عارف اعيش يا مني.
منى: ...........
احمد: من يوم ما اتزاعلنا وانا مش طايق نفسي, بس انا مش جاي اعتذر, ولا طالب اننا نحكي في اشي,انا بس حسيت انو خلص مش راح أقدر اعيش يوم ثاني من غير ما نحكي.
منى: احمد......, انا مش عارفة شو أحكي؟.
احمد: ما تحكي اشي, انا مش مستني انك تحكي اشي, انا ما كنت عارف اني بحبك بالشكل هذا الا لما قلتي لاختى انو ما صار اشي, اعرفت اني بموت فيكي, وانو هاي البني ادمة الي لو ممكن اتغير, اتغير عشانها ومش ندمان, انا برضة ما بدي احكي في الي صار, ولا مين منا الغلطان, انا بس حبيت اشوفك, واعرفك اني موجود يا منى, وقت ما تحتاجيني انا موجود, وفضل جمبك وحواليكي على طول , بدش اشي , ولا مستني اشي, بدك تقولي لاخوكي قولي,عايزةبدك تسبيني عشان الي بنعمله غلط سبيني, بس لو بدك اياني بجد راح تلاقيني , وما حدا عمره راح يحبك قدي, انا خلصت كلامي ......وبذكرك برضه انو عمري ما حسيت هذا مع حدا قبل هيك.
افحمها الكلام, وبقدر ما ارضي غرورها , ادهشها ورفع مكانة احمد في عينيها وقلبها, ولكنها لم تستطع الرد.
منى: .............
احمد: انا بديش أعطلك اكثر من هيك, انا راح أمشي الان.
والتفت وشرع في الذهاب فعلا.
منى: احمد.
التفت في سرعة وعاد الخطوات التي سارها في لحظة .
احمد: ايوة يا منى.
منى: ماتمشيش.
والتفتت لميرنا وسارة, نادتهما.
منى: روحو انتو يا بنات , انا مش مروحة هلا.
نظرت اليها ميرنا في دهشة بينما قالت سارة.
سارة: وين رايحة ؟.
منى: انا طالعة مع احمد.
اتسعت عينا سارة بينما قالت ميرنا.
ميرنا: وين طالعة؟.
ردت تنهرهما.
منى: بطلو اسئلة غبية , روحو , وما تحكو معي في البيت , عشان بدي أحكيلهم اني كنت طالعة معاكو.
صاحت سارة في استنكار.
سارة: منى.
منى: خلص عاد أمشوهلا.
مشت سارة على مضض ووهي تنظر لاحمد شذرا , بينما جذبتها ميرنا بعيدا عنهما محاولة السيطرة على دهشتها, والتفتت منى بعد رحيلهما الي احمد مبتسمة.
منى: وين بدك تعزمني؟.
نظر اليها احمد مندهشا للتغير الذي طرأ علي افكارها, قال بسعادة.
احمد: المكان الي بتحبيه.
*********************
سارة: انا مش عارفة , منى هاي هبلة ولا بتتهبل .
ميرنا: خلص يا سارة وطي صوتك احنا في الشارع,يا بنتي هي ادري بحالها, مش راح نضل نحميها على طول.
سارة: لما اشوفها ساذجة ومش عارفة تحافظ على نفسها, بكون من واجبي احافظ عليها.
ميرنا: مانتي قلتيلها الي عندك خلص, هي حرة عاد.
سارة:يعني شو حرة؟, يعني أدشرك تضيعي نفسك واقول انتي حرة.
ميرنا: لا , بس ما تزعلي نفسك عليها وهي مش حاسة فيكي.
سارة: انا الي مش فاهمتو كيف؟؟, كيف خلاها توافق هيك؟,شو قلها خلاها توافق تطلع معاه؟؟؟.
ميرنا: واضح انو هي الي قررت,لانه كان واقف مستغرب زيه زيك.
سارة: وبعدين ؟؟؟, بعد ما حكينا عقلت , خلص هيك ؟.
ميرنا: ولا خلص ولا ما خلصش , احنا عملنا الي علينا, وهي هشا الي بتختار.
سارة: طيب , بس انا بجد الي لو شفت الموضوع زاد عن حده, انا الي راح أحكي لأهلها بس هيك
********************
جلس احمد ومني في احدي الكافيتريات .
احمد: انتي شو الي خلاكي تغيري رأيك وتيجي معايا؟.
منى: بلاش؟, اروح؟.
احمد: لا , لا , خالص , انا اسف , بس انا من كثر ما فرحان مش مصدق.
منى: لا صدق.
احمد: انا بحبك.
منى: شكرا.
احمد: مالك؟.
منى: بحاول ما افكرش.
احمد: في شو؟.
منى: في البنت الي كنت واقف معاها في الكلية.
احمد: مين نورا؟؟؟, يا بنتي نورا هاي بنت صغيرة زي اختي.
منى: صغيرة شو, انا اكبر منها بسنة وحدة بس يا احمد, انتبه لكلامك.
احمد: قصدي يعني انا يا ما شفتها وهي صغيرة, يعني خلص صارت محرم.
منى: انت بتمزح؟,انت مشفتش كيف كنت واقف معاها ؟.
احمد: والله يابنتي مافي بينا اشي, بس انا لو كنت عارف ان هذا راح يخليكي تغاري علي , كنت وقفت معاها من زمان.
منى: خلص , سكر الموضوع ؟.
احمد: انك بتغاري علي؟.
منى: احمد, تكونش هيك .
احمد: خلص يا ستي ,سكرتو.
مني : شو؟, ليش بتتطلع علي هيك؟.
احمد: عشان بحبك.
م(*)انت مش راح ترتاح الا لما اقلك بحبك ,بس انا برضو مش راح أحكيها.
منى: وشو بدك؟.
أ(*)بدي بوسة
احمد: بديش اشي.
وقبل ان تنطق مرة اخري, رن جرس هاتفها.
منى: الو.
وائل: الو يا منى .
منى: استاذ وائل!!!.., ايوه....فيه اشي؟.
وائل: لا , ابدا , بس انتي نسيتي الكتاب تاعك عندي, انا لقيته بعد ما روحتو, قلت اقلك.
بحثت منى في شنتتها عن الكتاب ,فلم تجده حقا فقالت.
منى: جد طيب كويس انك قلتلي , عشان ما ادورش عليه.
وائل: لا ما تدوريش, .....انتي..... وين؟.
منى: نعم؟.
وائل: ....قصدي ........يعني انتي وين ممكن اجي اجيبلك اياه,او حتى اوديه عليكو على البيت.
م(*)نعم يا اخويا؟؟؟,انت انهبلت
منى: لا شكرا!!, انا بوخده المرة الجاية, ماتتعب حالك, مش مهم .
وائل: لأ بجد, اجيلك.
م(*)يخرب بيتك,انت شو شارب اليوم, ماكنت طبيعي
منى: لا لا لا , خالص, خليه بس عند حضرتك ,وانا بوخذو المرة الجاي.
وائل: ماشي يا مني.
منى: ماشي.
وائل: ..........
منى: اشي ثاني يا استاذ وائل؟.
وائل: لا ابدا خلص.
منى: ماشي مع السلامة.
واغلقت قبل ان يرد عليها, لتجد احمد عاقدا حاجبيه,ينطر اليها في غضب.
احمد: مين هذا؟.
مني استاذ وائل.
احمد: منا عارف انه زفت وائل ,ليش بتصل فيكي ؟, ومعاه رقمك من وين؟.
منى:اطلعت ناسية كتابي عنده.
احمد: وبعدين؟.
منى: شو وبعدين؟,انت ليش بتحكي معي هيك؟.
احمد: يعني شو المفروض اعمل لما اكون قاعد معاكي وواحد يتصل فيكي.
منى: اولا داهذا مش واحد, ولا صاحبي ولا زفت, ثانيا, ما كان متصل بدون سبب, ومشكور على الي عمله, لاني كنت راح أقعد ادور على الكتاب تاعي لما اروح, ثالثا , رقمي عنده, لان ....,لان....
احمد: لان شو؟, ماتردي, وبعدين الدنيا كلها كوم , والولد هذا كوم ثاني.
منى: اشمعني؟.
احمد: هو هيك وخلص.
أ(*)الشب هذا أنا ميخذ منه صاحبته وما بطيقو ولا هو بيطيقني
منى: شوهوالي هيك وخلص, شو الي صار يعني؟.
احمد: بصرش شب يتصل فيكي, لا وانا معاكي ولا وانا بعيد, انا بحكسلك هيني, بدل ما والله اخليكي تغيري رقمك.
منى: احمد, انت مش عارف انت شو بتحكي؟, وانا مش راح أحاسبك على حكيك الا لما تهدي وتفكر منيح, ومش معقول هيك بكفي, كل ما نتصالح نتزاعل.
احمد:وانا مش مغير حكيي, وائل هذا لأ لأ لأ

[تقوى الله]

منى: ما بعرف يا احمد, برتبك, ببطل عارفة أحكي فبسكر

يا حرام والله بتحزني
اللهم اجرنا من الشيطان ومكائده

ميرنا:انتي عارفة كيف سارة قدرت تكون هيك؟, لأنها فش عندها وقت فراغ , دائما عندها اشي تشغل حالها فيه, بتاخذ دورات, وبتروح جمعيات , ودور ايتام , وبتقرأ كتب, بتعطيش حالها مجال أنها تفضى, الفراغ بيعمل كثير يا منى,وأنا جربت وعرفت ها الكلام بعد تجربة , في اول العطلة كنت زهقانة عالآخر , حتى تخيلي كنت رح أتصل بمازن وأرجع أحكي معه

هنا يبدأ الحل ومربط الفرس فلا تنفع حكاية فيها مشكلة ولا يوضع فيها حل

[جامعة القدس]

حياك الله أخيتي

هنا يبدأ الحل ومربط الفرس فلا تنفع حكاية فيها مشكلة ولا يوضع فيها حل

نرجو أن يكون أخانا أبو مجاهد قد راعى كل عناصر القصة بما فيها العقدة والحل ..


يبدو أنها كذلك والله أعلم .. تابعونا واحنا بالتأكيد مثلكم متابعين

دعواتكم

[جامعة القدس]

~الحلقة الثامنة والخمسون~

منى: انتي بدك تضلي زعلانة لمتى يعني؟.
سارة: انا مش زعلانة.
منى: اضربيني كفين أحسن , كيف يعني مش زعلانة؟, انتي مكشرة من الصبح.
سارة: انا تعبت من الكلام معك , لدرجة اني خلص , مش راح أحكي من مرة .
منى: طيب ما بدك تسأليني شو صار امبارح؟.
سارة: انتي بدك تحكي؟.
منى: واحنا قاعدين وائل اتصل علي
سارة: وائل مين؟؟؟......,استاذ وائل؟؟.
منى: اه والله.
سارة: شو بدو هذا الثاني؟.
منى: بدو يحكيلي اني نسيت كتابي عنده, وأحمد سمع اسم وائل صار يضرب أخماس بأسداس, ليش بحكي معك وشو بدو, ومن وين جاب رقمك, زي الي ركبه عفريت.
سارة:ممممم.
منى: مالك هيك, ردي علي.
سارة: ارد شو اقولك , شاطرة وبرافو, واحد لاهو خطيبك ولا جوزك بعصب عليكي انو استاذك بحكي معك.
منى: شو صار يا سارة, مالك؟.
سارة: انتي مالي, انتي الي متعبتيني, ومش مريحتيني, يا مني انتي ماشية في طريق غلط, وانا مش قادرة اسكت خلص اتعبت, وبعدين , صارلكو سنة على هالحال واحمد تاعك ما جاب سيرة ولا عمل حتى خطوة, هيك مابنفع يا حبيبتي, عشان مصلحتك, وعشان اخوتك وسمعتك وكل شي.
منى: انا بعمل اشي غريب يعني؟, ما كل البنات بعملو هيك.
سارة: لأ , مش كل البنات, وما بحكي عن نفسي, بس اطلعي حواليكي راح تلاقي بنات كويسة كتير, ولا بلاش, انتي بدك هيك؟, انتي هيك مبسوطة ؟, وانتي عاملة زي الحرامي, مش عارفة تعيشي حياتك زي الناس, واحد بتحكم فيكي, وهو ما فيكي , انتي كنتي عاقلة, شو الي صارلك؟, المشكلة انو كل يوم بمربثبتلك انو الي بتعمليه غلط واخرته عاطلة ,وانتي برضه ماشية مثل العمية.
منى: انا بحبو.
سارة: انتي بتضحكي علي ولا على حالك بتحكي زهقانه وقرفانة منه ومن تصرفاته, طيب كيف بتحبيه.
وصلت ميرنا بأكواب الشاي, في هذه اللحظة.
ميرنا: مالكو؟, صوتكو واصل كلية الحقوق, ليش الصياح ع الصبح؟.
ناولت سارة كوب الشاي, فاشاحت بعينيها الغاضبتين عنها.
سارة: مفش.
ميرنا: فش وليش منى بتعيط منك؟.
منى: قالتلك فش اشي.
ميرنا: طيب انفلقو.
وجلست تشرب كوب الشاي الخاص بها.
ميرنا: مش خالد كلمني امبارح.
التفتت سارة تسأل في اهتمام.
سارة: شو بدو؟.
ميرنا: هههههه, بدو يخطبني,هههههه.
منى: يا سلام !!!.
ميرنا: اه والله العظيم , انا بدهلتو من هان , وصار يموت علي من هان, والله الشباب هبل على الاخر.
سارة: وشو المشكلة ؟, ما هي الشب طلع محترم وقرر قرار محترم.
والقت بنظرة جانبية الي منى, التي فهمت وابتلعت رشفة من الشاي في توتر.
منى: وشوقررتي تعملي ؟.
ميرنا: شو بدي أعمل يعني,بدي أخليه يحكي مع اهلي.
سارة: يعني انتي ميخذة الموضوع جد .
ميرنا: وليش ماخدو جد يعني ؟,هاي الأمور فيها مزح, والله انا راح أشوف ,عجبني بكمل , ما عجبني كل واحد في طريق.
منى: بس انتي ما كنتي هيك؟, يعني لو كان مش عاجبك عمرك ما لاتح توديه على أهلك هتدخليه بيتكو , شو فيه يا ميرو؟,هو عاجبك ولا شو؟.
ميرنا: وليش ما يعجبني , الزلمة كويس, وحلو ومستواه حلو, ومش ثقيل دم, ومعجب في , ودخل من الباب , اقله لأ؟, بكون حمارة.
منى: لأ , أحكي بجد, الشب عاجبك؟ , صح , عاجبك؟.
ميرنا: يوووووووووة, ايوة عاجبني ,خلص ارتحتو.
سارة: طيب يارب لو الموضوع فيه خير, يتممو ربنا.
ميرنا: شو هو الي يتم على خير, لسه ما صار اشي.
سارة: يعني بلاش ادعيلك , انا الي غلطانة.
ميرنا: لأ ادعي براحتك , بس مش بوجهي هيك.
ظهرت رشا من بعيد , مقبلة على الفتيات,فتوقف الكلام.
ميرنا: يباي البنت هاي انا ما بحبها لله في لله.
سارة: أنا ما برتحلها.
بينما صمتت منى تنظر وصول رشا........خير.
رشا: هاي يا بنات,هاي يا موني.
منى: كيف يا رشا شو عاملة ؟.
رشا: احنا كنا طالعين اليوم , تيجي معنا ؟.
منى: اليوم؟؟,عندي دورة, لو كنت فاضية كان أجيت.
رشا: طيب , لو غيرتي رأيك احنا طالعين ع الساعة 6 .
منى: حاضر ان شاء الله.
وانصرفت.
سارة: البنت هاي مش مزبوطة.
ميرنا: انا متأكدة انها مزبطة كريم.
منى: وشو الي خلاكي تحكي هيك؟.
ميرنا: شفتهم امبارح ورى كلية الحقوق في المنطقة الفاضيةبين الحقوق والتنمية الريفية, كنت طالعة من محاضرة من التنمية متأخرة بعد الخمسة , لمحتهم , وكان شكلو بيحضنها .
سارة: ميرنا, ما تحكي علي البنت ,انتي انجنيتي!!.
ميرنا: طيب والله هذاا الي شفتو, انا ليش بدي أكذب؟.
منى: يا خبر مش فايت, وما لقت الا كريم, هذا صاحب احمد الروح بالروح.
ميرنا: شكلها مش سهلة, متذكرة لما ميمي حكا انه عارفها, سألته من وين عارفها , قال كانت مصاحبة صاحبه, ودشرا عشان كانت مصاحبة عليه شب ثاني.
سارة: لا حول ولا قوة الا بالله, انتو لو ما بطلتو هالقرف أنا بقوم وبدشركو.
ميرنا: هو انا بحكي عليها اشي من عندي, ولا انتو بدكم تطلعو من هان تحكو عليها, انا بحكي شغلة شفتها واسمعتها.
منى: وهي يعني بتصاحب من ورى احمد.
ميرنا: لأ يا ظريفة , بتقوله, لازم قبل ما تصاحب واحد تعرف احمد عليه, انتي بتتهبلي انتي كمان, طبعا من وراه.
منى: بس لو عرف ممكن يموتها.
سارة: ليش؟, انتي مفكرتيه اخوكي؟؟.
ميرنا: انتي بدك تحكيلو؟.
منى: لأ طبعا وانا مالي.
سارة:بس احنا ما عندنا درة اليوم ليش قلتيلها انو في عندنا؟.
منى: انا بديش اطلع معها اصلا.
ميرنا: يعني البنت هاي وكريم بضحكو على ايمو, ما تحكيله نشوف شو بدو يسوي؟, وراجل ولا لأ.
منى: وبعدين يا ميرنا.
ميرنا: خلص يا ستي انتي حرة.
سارة: ولا انتي خايفة يكون عارف.
منى: شو هالكلام الي بتحكيه؟, طبعا مش عارف.
سارة: واشمعني هو صحيح, ماهو زي ما بعمل في بنات الناس بصير فيه.
منى: قصدك ايه؟.
سارة: قصدي ان ربنا ما بظلم الناس, وزي ما بيضرب الناس في ظهرها بنضرب هو في ظهره كمان ،وكما تدين تدان.
منى:خلص عاد يا سارة.
سارة: انتي دايما تزعلى مني ,عشان بحكي الحقيقة.
ميرنا: خلص يا ساسو طنشي.
سارة: ماشي خلاص , بس بكرة احكي انو سارة حكت.
م(*)مش قادرة اقلك انو كلامك صح يا سارة, بس انتي عندك حق

[جامعة القدس]

~الحلقة التاسعة والخمسون~

رشا: شو بحكيلك؟,مش كل شوية تقلي روحي احكي معها, واطلعي معاها, انا عملت الي علي , رحت قلتلها تيجي معانا, وقالتلي عندي دورة, خلص عاد.
احمد: وشو فيها يعني؟, انا بدي اياكو تصيرو اصحاب.
رشا: وانا والله عزمتها, لو بدها تطلع معنا كان اتصلت.
احمد: طيب, طيب عرفيها على صاحباتك, واقعدي معها في الكلية,هيك يعني, حسسيني انك اختى.
رشا:يا بني البنت معقدة وما بتمشي الا مع صاحباتها ,شواعملها انا؟؟.
احمد: انا بدي اياكي تبعديها عن صاحباتها, خذيها منهم, بديش اشوفها معهم مرة ثانية, بدي كل ما أكون في الكلية اشوفها معاكي انتي.
رشا: حاضر يا سيدي, أي خدمة تانية؟.
احمد: لا خلص.
******************
منى: احمد؟؟,شو الي جابك هون؟.
احمد: الكل بنزل وانتي ليش بتتأخري عند وائل؟.
منى: ولا بتأخرولا اشي, انا بس كنت بسأله شوية اسئلة.
م(*)كان مأخرني فوق بيجكي في مواضيع بدون طعمة, مش عارفة مالو هاليومين
احمد: لأ, اسأليه في المحاضرة, مش بعد ما الناس تنزل , تضلي قاعدة عنده لحالك.
منى: احمد, احترم حالك, انت كلامك دا يزعل.
احمد: وانا مش قصدي ازعلك, بس انتي ياريت ما تعملي الشعلات الي بتزعلني.
منى: انا شواعملت.
احمد: انتي مشكلتك بتأمني كثير للناس, الولد هذا مش عشان صار معيد خلص, هذا ولايسوى اصلا ,هو بس مصدق حاله.
منى: مممم, احمد, انت ليش بتغلط فيه ؟,هو ما ضايفنا باشي من مرة لا انا ولا انتا,ومش كل شوي لو سمحت تطلعلي بشغلة.
احمد: ماشي انا راح أسكت المرة هاي, بس اقسم بالله ,لو طلع الزفت بدو اشي منك , لكون مطلع روحه, عشان انا ما بطيقو بدون هالواسطة.
منى: احمد, احترم نفسك, وما تسب قدامي,..شو فيه؟, قلتلك مفش اشي يعني فش, تقعدش تسب وتغلط .
زفر احمد وهو ينظر اليها في صبر.
احمد: ماشي يا مني, بس ما تخلني أضرب الولد هذا في يوم من الايام,عشان مش راح يصير خير, انا بحكيلك هيني
منى: خلص خلصنا.
****************
رشا: بس انتي فش الك صاحبات كثير في الجامعة
منى: لا كيف ,أنا الي صاحبات كثير.
رشا: بس مابشوفك الا مع ميرنا والبنت الثانية هاي.
منى: سارة.
رشا: ايوة سارة, مع انو دفعتكو مليانة شباب زي العسل.
منى: يا سلام؟.
رشا: اه والله , عارفة عبد الحميد , شب جامد جدا , وابن ناس , شو رايك فيه ؟.
منى: ما بعرفو, ما حكيت معو.
رشا: بس اكيد سمعتي عنه, هذا الشب مشهور في الجامعة.
منى: مليش فيه يعني.
رشا: انا مش راح اتركو الا لما اصاحبه.
نظرت لها منى في استغراب, فالفتاة قالت الكلمة ببساطة, ولم تنتبه حتى لتأثيرها على منى ,فابتلعت منى الكلام دون ان تعقب.
رشا: هو احمد اول واحد في حياتك؟.
شعرت مني بالذعر من ماهية السؤال, .....ماهذا السؤال؟.
منى: اه طبعا.
رشا: يعني كيف؟, انتي اول واحد تعرفيه كان في الجامعة هو أحمد؟؟؟.
منى: اه .
رشا: انا اول واحد عرفته كان في اول ثانوي, بس كان ولد زي العسل,كان قمر هيك وطويل, وكان بجي بسيارتو قدام المدرسة, اصل انا كنت في مدرسة بنات مش مختلطة, شغلة تقرف , احمد كان في مدرسة مختلطة, وبابا ما رضي يدخلني معاه في المدرسة ,قال لأ , البنت تدخل مدرسة بنات, ما علينا, كان الشب هذا المدرسة كلها تموت عليه, بس هو كان معجب في انا, وانا كنت هبلة ايامها, ما كنت فاهمة, كان يبعتلي مع صاحباتي انو بدو يحكي معي, وانا كنت خايفة من احمد ليعرف,بس قلت وشو يعني, انا بدي أضيع القمر هذا عشان احمد, وافقت , بس كان غيور جدا, ومجنون , بجيلي في كل مكان, وبدوش اياني أحكي مع حدا , شغلة بتقرف, بس انا ما كنت بحبه, كنت ماشية معاه جكر في صاحباتي, لحد ما عرفت نادر .
استمعت منى لحوار رشا في ذهول, ان الفتاة تتحدث دون خجل عن حكاياتها السابقة مع الشبان, ومع من؟ , مع حبيبة اخيها, ولكن من الواضح ان منى هي المتأخرة في هذه الامور.
منى: نادر مين؟.
رشا: نادرهذا الي انا حبيته بجد, كان بوخذ دورة رياضيات عند نفس الاستاذ الي بوخذ عندو, هو كان اكبر مني بسنة, ومش حلو كثير, وقصير, بس كان عسل, اقلك كيف اتعرفت عليه , انا وقع في ايدي ورقة كان كاتبها لبنت معاه, وهي ما أخذتها ونزلت, كان عليها رقمو كمان, المهم عرف انو البنت ما أخذت الورقة, وعرف انو انا الي خدتها, انتبهلي, وبلش يزبط في, انا كنت مصاحبة محمد وقتها.
منى: محمد مين؟.
رشا: ابو سيارة, ومع انو محمد ما كانش يتعيب وكان في الجامعة وشب جامد, بس سبحان الله , لقيت حالي بحب نادر, قلت وقتها شو اعمل في محمد, المهم سبته, وضليت مع نادر , الي سيبني كل الناس وصرت زي الخاتم في اصبعو, بس , لحد ما صاحبه الروح بالروح, صار يحبني....
منى: كمان.
رشا: اه , ماجد صاحبه كان بحبني , وقلي انه يحبني, قلتله بنفعش أنا بحب نادر وانت صاحبه انسى الموضوع, قام أجا مرة, قلي انو نادر ماشي مع بنت جيرانهم, هزأته وكذبته , بس سألت انا واعرفت ان كلامه صح, المهم هزأت نادر, قعد يقلي والله العظيم مزح ومش مزح وانا بحبك انتي, وانا اسف, وهي الي رامية نفسها علي, المهم سبته شوي, وصرت امشي مع ماجد في الفترة هاي عشان انتقم منه, بس هو ما عرف, وكويس وقتها انه معرف.
منى: ممممم.
رشا:رجع نادر بدو يرجعلي, قلتله ماشي, ما أنا بحبه عاد, وما اعرفت اسيب ماجد, وكلمت الاثنين في نفس الوقت, بس قلت اخف مع ماجد شوي لحد ماعرف اني رجعت لنادر, حاول يوقع شوي, وقلي انا مش راح اسيبك, واعطيني فرصة تانية ، قلتله لأ انا بحب نادر , وعرف نادر اني كنت ماشية معاه , قام نادر سابني بعد ما عرف , بس, هاي حكاية نادر.
منى: والله؟؟.
رشا: بعدها اعرفت كذا واحد بس انا كنت لسه بحب نادر, وكان هايالمعارف هيك تسالي
منى: جد.
رشا: وشفت نادر قبل مدة, كان ماشي مع بنت كنت بعرفها , بس هي اصغر مني, كانت معاه في المدرسة, بس خلص راح وراحت ايامه.
وشردت قليلا ثم قالت.
رشا: بس كانت ايامه احلى ايام.
شعرت مني بالدوار اكثر من الدهشة , ان الفتاة داهية, والاكثر من هذا طريقة كلامها عن الامر ببساطة, وكأنه شيء عادي, وكأنها لم تفعل شيئا غريبا.
م(*)يخرب بيييييييتك, شكلك انتي شغالة وانتي بتحي؟
عشان تعرفي انو انتي بس الي معقدة
معقدة مين ,هاي مجنونة, هاي داخلة الجامعة مكلمة نص دستة, شو بدها تسي في الجامعة يا ترى؟
راح تعمل الي انتي ما اعملتيه,انتي نص الاولاد ايام المدرسة كانو ميتين يتعرفوعليكي, وانتي عامله فيها .......
بس انا عمري ما كنت راح صاحب ولد ابدا
وشوالي جد يعني؟,احمد مش احسن واحد عرفتيه, هذا حتى وائل احسن منه, وشكله مش زنخ زي احمد
بس فش وجه مقارنة بيني وبينها, هاي شغاى على اكثر من واحد
انتي في ايدك تتعرفي على الي بدك اياه, بس انتي الي مستهينة بحالك
بس احمد وضع مختلف, انا بحبو
يا سلام, ومن متى يعني؟, من يوم ما صار يتزانخ عليكي؟, ولا من يوم ما بلش يشك فيكي؟
احمد ما بشك في
لأ بشك في انا,...طيب مين الي قارفك بموضوع وائل, وكل ما تنزلي تلاقيه موجود؟
.................
ومين الي كان راح يفضحك مع اخوكي في خطوبة شيرين؟
................
ومين أجالك وحكى معك من تحت البيت ,خلاكي تنزلي زي المصروعة؟
...............
احمد لسه حلو؟, كل هذا وهو مش عارف انو وائل برسم عليكي, كيف لو عرف شو راح يسوي؟
ما أنا مش راح أحكيله
ووليش ما تحكيلو؟حسسيه انك مطلوبة, عشان مايطمن انك موجودة جمبه على طول
بس هيك راح يعملي مشاكل
ولا مشاكل ولا دور يدورو ,الشب طول ماهو شايف البنت مطلوبة ببلش يخاف يخسرها ,فبسوي أي شغلة بتطلبها منه
جد؟
اسمعي كلامي وجربي
خلينا نشوف

[جامعة القدس]

~الحلقة الستون~

مؤمن: منى.
منى: نعم؟.
مؤمن: تعالي.
اقتربت مني منه, ولمحت تليفونها في يده, اقشعر بدنها.
مؤمن: لمين هذا الرقم ؟.
شعرت بالدم يختفي من وجهها.
منى: رقم شو؟.
مؤمن: مين وائل؟.
شعرت مني بالدم يعود لوجنتيها , الحمد لله , انه وائل وليس احمد.
منى: هذا استاذ وائل, الي بوخد عنده الدورة.
مؤمن: وانتي ليش معاكي رقمو؟.
منى: شو ليش معاي رقمو؟, كل الي بوخذو معي معهم رقمو.
مؤمن: ممممم, ليش المكالمات المستلمة والمرسلة ممسوحة عندك ؟.
شعرت بأسئلته توترها.
منى: فش , كانت ميرنا حاطة شريحتها في جوالي اليوم, عشان جوالها فصل.
مؤمن: طيب ما تشيليهن مرة ثانية.
وانصرف ولازال ممسكا بالتليفون, بينما زفرت مني في شبه ارتياح.
*****************
نزلت مني من سيارة اخيها,تحت مبني بيت وائل, لتجد سارة وميرنا في انتظارها
فنزل يسلم عليهما.
مؤمن: هو انتو بتطولو ولا انا الي حاسس هيك؟.
سارة: انت الي بتقصر.
مؤمن: يا سلام يعني, ولا انتي الي بلشتي تلبسي شغلات بنات , هذا كعب الي في رجلك ؟, ولا انا بتهيألي.
سارة: لا, انت بس الي بطلت تلبس كعب.
مؤمن: ماشي يا ستي, انا مش راح أعطلكو,... متى اجي اخذكو ؟.
انتبهت مني لما قال.
منى: ليش تيجي تاخدنا ؟.
مؤمن: شو الي ليش؟,بلاش اوصلكو؟.
منى: لأ طبعا عادي, بس احنا هيك بنعطلك.
م(*)يا الله, يارب احمد ما ينجن وييجي اليوم, انا مش ناقصة مصايب
مؤمن: ولا راح تعطلوني ولا اشي, اجيلكو اي ساعة .
ميرنا: احنا بنخلص سبعة تقريبا.
فالتفتت اليها منى تنهرها بنظرتها,فارتبكت قليلا.
ميرنا: آآ... بس مرات بنتأخر شوية عشان ....آآ...يعني ...مرات بطول شوي.
مؤمن: يعني اجيلكو على سبعة وربع .
منى: اه , هيك اشي.
مؤمن: ماشي ان شاء الله.
وانصرف, بينما الفتيات يصعدن في المصعد.
سارة: شو الي جابه معاكي؟.
منى: ما بعرف , يعرفش,...انا ما بعرف مالو, اليوم الصبح شاف رقم وائل بقلي مين هذا, قلتله, وقبل ما انزل قلي استني بدي أوصلك, شو اعملو ؟.
ميرنا: يخرب بيت مخك, طيب لو أجه وشاف احمد الي بنطلك هان كل شوي, بموتك.
منى: يعني شو اعملو؟, لو قلتلو ما يجيش بشك.
تمتمت سارة.
سارة: ماهما بقولو ,امشي عدل بحتار عدوك فيك.
منى: ابوس ايدك يا سارة انا مش ناقصاكي, انا جد في مصيبة.
******************
بعد الحصة في السابعة, حاول وائل استيقاف منى ليتحدث معها قليلا , ولكنها كانت اول المغادرين , ونزلت في سرعة, لتجد احمد تحت , كما توقعت.
منى: احمد , امشي من هون حالا.
عقد احمد حاجبيه في شك , وقال في غضب.
احمد: ليي؟.
منى: مؤمن بأي لحظة راح يكون هون, امشي يلا ليش واقف؟.
احمد: مؤمن شو انا مش فاهم ؟, شو الي راح يجيبه؟,.......منى, اوعي تكوني,......اه,هو وائل نازل ولا شو
منى: احمد, والله ما وقت غبائك, مؤمن جاي يروحني اليوم امشي لو سمحت.
احمد: وانا المفروض مني اصدقك ؟,طيب والله ما أنا ماشي, وخليني اشوف قصة وائل شو بالزبط؟.
نزلتا سارة وميرنا,اثناء هذا الحوار.
ميرنا: هاااااا, اخوكي يا منى.
التفتت منى وكلها رعب لتجد اخيها يركن سيارته , وينزل منها, فتسمرت في مكانها , لم تستطع الاتيان بأي حركة, اما احمد فنظر حيث ينظرون ولم يتحرك من مكانه, فقد كان الوقت فات , ومؤمن يقترب منهم.
مؤمن: سلام عليكو.
ردت سارة السلام , وكانت الوحيدة التي اصدرت صوتا من الجميع في الرد, اما ميرنا, فدنت من احمد لتقف خلفه.
نظر مؤمن للجميع في ارتياب, ثم نظر لأحمد في شك, وقال.
مؤمن: اهلا.
بادرت ميرنا بالقول.
ميرنا: احمد, ابن عمي, مؤمن اخو مني.
مد احمد يده لمؤمن.
احمد: اهلا, كيفك؟.
مؤمن: الحمد لله.
ونظر الي اخته التي كان وجهها شاحب.
مؤمن: يلا؟.
اومأت مني برأسها في رعب.
مؤمن: يلا يا بنات, اوصلكو انتو كمان.
قالت ميرنا في سرعة.
ميرنا: لأ , انا رايحة لعمي مع احمد.
مؤمن: طيب تعالو اوصلكو.
احمد: لأ شكرا معاي سيارتي.
مؤمن: طيب يلا يا سارة.
حاولت الاعتراض , لولا ان جذبتها مني من يدها , لتسير, فصمتت حتى يمر الموقف, بينما التفتت مني تنظر الي ميرنا نظرة شكر كبيرة, وتنظر الي احمد في غضب.
********************
أ(*)عندها حق ماترد علي التلفون, انا زودتها كثير اليوم
شو زودتها ؟, انت الي عندك حق ,يعني كنت كيف راح تصدقها ا بعد كل اللف والدوران تاعها
لا لا اوعي تحكي, هي عمرها ما لفت ولا دارت علي
لا بس البت هاي بتكدب, ووائل عينه عليها
بالك هيك؟
اه, يعني هي ليش ما بدها تروحلها هناك ؟
ما تلعب في مخي, انا ما بدي اشك فيها من غير داعي
لا ان شاء الله فيه داعي
اقلك شغلة, انا جد كان نفسي ننمسك انا وهي , عشان اخلص من حجج اخوها الي بتطلعلي فيها كل شوي
يخرب بيتك , انت عارف تنمسك شو يعني , يعني تحكب مع اخوها, ويستنوك تروح تخطب, وتربط حالك, انت انجنيت؟
تصدق إنوعندك حق, بس ميرنا جدعة , لمت الموضوع في ثانية
ربنا يستر علينا من انو ننمسك يا ايمو
صح احنا في السر في السليم, كويس انك معي خليتني انتبه
ايوة هيك," ارجعلي تاني يا حبيبي دانتا واحشنى"

[تقوى الله]

احمد: يا منى يا حبيبتي اسمعيني كويس, انتي بتحبيني وانا بحبك صح؟, يعني احنا لبعض

لو أنها في ظلال الشريعة وظلال الحلال لكانت أجمل وأرقى والله
اللهم ارزق شبابنا وفتياتنا الحلال ومتعهن به في ظلال الرحمن بعيدا عن كل شبهة وحرام يكونون فيه سعداء مفتخرين يتباهون امام الناس ولا يختبؤون مما يفعلون فهو الحق وتمام الدين بإذن الله .

انا حبيبك يا منى مش حد غريباه والله أهلا وسهلا

وإذا هذه الأشكال مش غريبة مين الغريب
والله شر البرية ما يضحك .

[تقوى الله]

بعد فترة من دخول العروس , جلست مني مع اخيها

ووين هذه العادات كمان شو ها الالتزام
اللهم اجرنا وعافنا واعف عنا مجتمع كله خراب حتى سارة لو انها فعلا جيدة لتركت هذه الشلة الفضية التي لا توودي إلا إلى الهلاك فمفما حاولت إلا أنها لا بد ان تنكوي بنار أو تشمح رائحة النفخ كما قال الحبيب المصطفى موضحا أهمية الصحبة والأخوة الجيدة

متابعين معكم ونتظر .

[تقوى الله]

وما شاء الله شو هاي رشا
اللهم أجرنا يا رب واعف عنا ولا تعرفنا على مثل هذه الأشكال آمين .

[إبـــــاء]

عجيب أخوها " مؤمن "

على أساس انه هو الملتزم في العائلة

بس مسموح بالنسبة له أنه يضحك مع صديقات أخته بهذا الشكل !!

[شامل]

لا حول ولا قوة الا بالله العلي العظيم

[غضيٌّ طرفي]

تروقني المواضيع المسرودة على هذه الشاكلة

سأقرأها بعين مفتوحة وقلب منفتح


بارك الله بسواعد من خطتها

[غضيٌّ طرفي]

إن شاء الله تبارك في علاه